САНГЗОР ДАРЁ ҲАВЗАСИ ҚОРИНОЁҚЛИ МОЛЛЮСКАЛАРИНИНГ ФАУНАСИ ВА ЭКОЛОГИЯСИ

Мақола Шимоли-ғарбий Туркистон тоғ тизмаси таркибига кирувчи Сангзор дарё ҳавзаси қоринёқли моллюскаларининг фаунистик таркиби ва экологиясига бағишланган. Келтирилган маълумотларга кўра Сангзор дарё ҳавзасида 16 оила 20 уруққа кирувчи 29 турдаги қориноёқли моллюскалар тарқалган. Уларнинг 4 оила 5 уруққа кирувчи 10 тури чучук сув қориноёқли, 12 оила 15 уруққа кирувчи 19 тури қуруқлик моллюскаларига тегишлидир. Чучук сув қориноёқли моллюскалари 5 та экологик гуруҳ бўйича таҳлил этилган ва улар орасида турлар сони жиҳатидан кренофиллар (50%) етакчи эканлиги аниқланган. Қуруқлик моллюскалари 3 та экологик гуруҳлар бўйича таҳлил этилиб, 19 турдан 10 таси (52,6%) гигробионтлар гуруҳига кириши маълум бўлди.