TILSHUNOSLIKDA VERBAL VA NOVERBAL MULOQOT

«Muloqot» tushunchasining turlicha ta’riflari mavjud. Muloqot ikki yoki undan ortiq odamlar o‘rtasidagi bilish yoki affektiv-baholash xususiyatiga ega bo‘lgan axborot almashinuvida ularning o‘zaro ta’sirlashuvi sifatida ta’riflanadi. Qisqa qilib aytganda, muloqot – odamlar o‘rtasida hamkorlik faoliyati ehtiyojidan yuzaga keladigan va axborot almashinuvi, o‘zaro ta’sirning yagona yo‘lini ishlab chiqish, boshqa odamni idrok qilish va tushunishdan iborat bo‘lgan aloqalarni o‘rnatish va rivojlatirishning murakkab, keng qamrovli jarayoni hisoblanadi. Bu «muloqot» tushunchasining eng to‘liq va aniq ta’rifidir. Ushbu maqolada biz muloqotning verbal va noverbal turi hamda ularning xususiyatlari va vazifalari haqida to‘xtaldik.