QORACHOY ASSR TUGATILISHI. QORACHOYLARNING QOZOG'ISTON SSR VA QIRG'IZISTON SSR HUDUDLARIGA DEPORTATSIYA QILINISHI

Ushbu maqolada sobiq sovet tuzumi deportatsiyasi qurbonlaridan biri hisoblangan qorachoylarning ikkinchi jahon urushi davrida tub yashash yeridan Qozog‘iston va Qirg‘iziston SSR hududlariga deportatsiya qilinishi, Qorachoy ASSR tugatilishi voqeliklari yoritilgan. Muallif qorachoylarning ikkinchi jahon urushi davrida ko‘chirilishiga sabab bo‘lgan omillar, uning tashabbuskorlari, ko‘chirish jarayonida qorachoy xalqi duchor bo‘lgan qiyinchiliklar, deportatsiya oqibatlari masalalarini ochib bergan. Qorachoylarning Qozog‘iston va Qirg‘iziston SSR hududlariga joylashtirilishida ularning uy-joy bilan ta’minlanishi, inson tashilishi uchun mo‘ljallanmagan yuk ortiladigan vagonlarda uzoq masofalarga yo‘naltirilishida yuzaga kelgan qiyinchiliklar haqida ham muhim ma’lumotlar berib o‘tgan.