Impacto 9: atlanTTic, CIM-UVigo, Cinbio e Cintecx nas bases de datos

Os centros de investigación da Universidade de Vigo están identificados en Web of Science (WOS) e en Scopus como institucións para que poidamos recuperar e analizar as súas publicacións de xeito independente ás do conxunto da universidade. Quixemos comprobar en que medida as publicacións destes centros están correctamente identificadas en WOS.

O resultado amosa que son moitos os artigos publicados por membros dos centros de investigación que non están identificados como tales en WOS.