LEUCOZONELLA CORONA НИНГ БИОЭКОЛОГИК ҲУСУСИЯТЛАРИ

Мақолада Leucozonella corona эндем турининг тузилиши, экологик ҳусусиятлари, тарқалиши ва мухофаза қилиш чора-тадбирлари ҳақида маьлумот берилган.

 Leucozonella corona Hygromiidae оиласига мансуб Leuсozonella авлоди таркибида бўлиб Ўзбекистонда эндем турлардан бири ҳисобланади. Мазкур тур камёб ва йўқолиб бораётган турлардан саналиб муҳофазага муҳтож хисобланади. Leucozonella corona Schileyko et Rymzhanov, 2010-заиф, табиатан камёб, локал тарқалган, эндемик тур. Чотқол ва Қурама тоғ тизмаларида маълум бир ҳудудларда тарқалган. Денгиз сатҳидан 2000 м баландликда тоғ минтақаси турли хил ён бағирларидаги тош уюмлари остида яшайди. Яшаш жойи хусусиятидан келиб чиқиб мезоксерофил бўлиб асосан озуқа манбаига боғлиқ ҳолда мезофил ва ксерофил шароитга эга бўлган биотопларда яшайди.