"YASHIL" IQTISODIYOTNING BARQAROR RIVOJLANISHDAN BARQAROR MOLIYALASHTIRISHGA O'TISHDA TUTGAN O'RNI

Hozirgi kunda “yashil” moliyalashtirish yangi ekologik barqaror yo‘nalishlarni aniqlash va xalqaro moliya tizimini rivojlantirish istiqbollarini belgilagan holda global hamda milliy barqaror rivojlanish maqsadlariga erishish va yashil iqtisodiyotni shakllantirishning ajralmas qismi hisoblanadi. O‘z navbatida shuni alohida ta’kidlash kerakki, ijtimoiy mas’uliyat va adolat, atrof-muhitga ehtiyotkorlik bilan yondashish hamda tabiiy resurslardan oqilona foydalanishni o‘zida aks ettirgan ESG-tamoyillari butun dunyo bo‘ylab kompaniyalar ishini tashkil etishning asosiy tamoyillarini ifodalaydi. Maqolada davlatimizda va chet elda korporativ boshqaruv tizimida ESG tamoyillarining shakllanishi doirasida “yashil” iqtisodiyotni rivojlantirishga bevosita ta’sir ko‘rsatuvchi asosiy omillar tahlil qilgan holda, ularning ta’sirini oshirishga qaratilgan kichik tavsiyalar berildi.