ЭТНОЛОГИК ДАЛА ТАДҚИҚОТЛАРНИ РАҚАМЛАШТИРИШ ИСТИҚБОЛЛАРИ

Бугунги кунда мамлакатимизда рақамли иқтисодиётни фаол ривожлантириш, барча тармоқлар ва соҳаларда, энг аввало давлат бошқаруви, таълим, соғлиқни сақлаш ва қишлоқ хўжалигида замонавий ахборот коммуникация технологияларини кенг жорий этиш бўйича комплекс чор-табдирлар амалга оширилмоқда [1]. Дунёнинг бошқа жойларида бўлгани каби Ўзбекистонда ҳам рақамли техникалар авлоди - телевизор, компьютер, планшет, таблет, фаблет, смартфон ва смартсоатлари пайдо бўлмоқда. Бундай зич рақамли муҳитга эга бўлиш ва у билан доимий ўзаро муносабат натижасида бугунги кун талабаларининг фикрлаши ва ахборотларга ишлов бериш жараёнлари олдинги фикр юритиш ва ахборот жараёнларидан тубдан фарқ қилмоқда.