इतिहास वारकरी संप्रदायाचा....

सनातन वैदिक धर्माच्या भक्तीस प्राधान्य देणारी शाखा म्हणून वारकरी संप्रदायाचा उल्लेख करावा लागतो. पंढरपूरचा विठ्ठल हे वारकरी संप्रदायाचे उपास्य दैवत होय. वारकऱ्यांचे प्रमुख क्षेत्र म्हणजे पंढरपूर व तेथील चंद्रभागा नदी ! विठोबा हे श्रीकृष्णाचे रूप आहे, असे मत संतकवींनी मांडले आहे.

वारकरी संप्रदायाला माळकरी संप्रदाय असेही एक पर्यायी नाव आहे. प्रत्येक वारकऱ्यांच्या गळ्यात तुळशीच्या १०८ मण्यांची माळ असते. ही तुळशीच्या मण्यांची माळ गळ्यात घातल्याखेरीज कोणाला वारकरी होताच येत नाही.