अद्वैतनयेसत्तास्वरूपविमर्शः (Nature of Reality in Advaita Vedanta)

लोके विद्यमानानां दार्शनिकपद्धतीनां मुख्यो विचिन्तनविषयः भवति दृश्यप्रपंचस्य मूलस्वरूपं किमिति । तथा कस्मिन् प्रतिष्ठितमिदं जगत्, कस्मात् उत्पन्नमित्यपि। उक्त दार्शनिकप्रश्नानां विचारो बहुधा दृश्यते दार्शनिकक्षेत्रे। भौतिकवादः (Materialism), अध्यात्मवादः (Idealism) द्वैतवादः (Dualism) तथा तटस्थवादश्च (Neutralism) मूलभूतसत्यस्य निर्धारणरीत्या संजातसिद्धान्ताः। मूलभूतसत्यस्य संख्यामधिकृत्य एकात्मक-द्वैतात्मक-अनेकात्मकरीत्या विविधविचारपद्धतयः आविर्भूताः ।