ZAMONAVIY TADQIQOTLARDA XOTIN-QIZLAR MASALASI (SOGLIQNI SAQLASH VA TIBBIYOTDAGI O'RNI MISOLIDA)

Maqolada O‘zbekistonda sog’liqni saqlash tizimi islohotlarida xotin-qizlarning o’rni masalalari yoritilgan. Shuningdek, sog’liqni saqlash sohasi tarixiga doir tadqiqot usullari va tibbiyot sohasi tarixiga doir ma’lumotlarni boyitishda hissa qo’shgan tibbiyot sohasi olimalari misolida nazariy xulosalar keltirilgan. Respublikada umumiy shifokorlar sonida ayollar ulushi katta foizni tashkil etadi. Ularning soha rivojidagi o’rnining yuqoriligi dalillangan. Ayniqsa, yuqumli kasalliklar, bolalarni davolash va pediatriya fanini yo’lga qo’yish, xotin-qizlar salomatligini muhofaza qilish yo’nalishlarida xotin-qiz tibbiyot xodimlari hal qiluvchi rol o’ynadi. Tibbiy kadrlar masalasida gender tenglik bo’yicha olib borilgan siyosatga doir ma’lumotlar tahlil etilgan. Natijada o’zbekistonlik ayollarning yetakchiligi va bu boradagi tajribaning boshqa davlatlardagi (ilmiy anjumanlarda va boshqa xalqaro yig’inlarda ularni yutuqlarining qayd etilishi) targ’iboti ochib berilgan. Mustaqillik yillarida tibbiyotni rivojlantirishda xotin-qizlarning o’rni bilan bog’liq tarixiy jarayonlarning tahlili xulosa va takliflarga asos bo’ldi.