MOLIYA BOZORI - RESURSLARNI JALB QILISH MEXANIZMI

Zamonaviy  iqtisodiyotda  biznes  samaradorligini  (rentabelligini) oshirish asosiy masala hisoblanadi. Bir tomondan, arzon resurslar (kapital) jalb  qilish  va  boshqa  tomondan  –  ularni  samarali  joylashtirish (investitsiyalash)  rentabellikni  oshirishning  eng  muhim  omillaridan biridir.  Moliya  bozori  ushbu  funksiyani  bajarishga  imkon  beradigan mexanizm bo‘lib, ishlab chiqarish hajmi va tarkibiy tuzilishiga ta’sir etadi, iqtisodiyotni ziyon ko‘rib ishlayotgan, raqobatbardosh bo‘lmagan korxonalardan xalos etadi, iste’molchini oqilona iste’mol savatchasini tanlashga majbur qiladi, texnologik innovatsiyalarni ilgari suradi, iqtisodiy taraqqiyotning tezlashuvini ta’minlaydi, investitsiya loyihalarini samarali tanlab oladi va h.k.