MORFEMALI KONTRAKTSIYA "间代" jiān dài TURINING IFOADALANISHI HAIQDA

Xitoy tilining leksik fondi doimiy o‘zgarishlar jarayonidadir. Ba’zi so‘zlar iste’moldan chiqib, leksik tarkibni to‘ldiruvchi yana yangi so‘zlar paydo bo‘lmoqda. Terminologiyaning rivojlanishi XIX asrning oxiridan boshlandi va XX asrda yuqori bosqichga ko‘tarildi. Natijada  uch, to‘rt va besh bo‘g‘inli ko‘pgina terminlar hosil bo‘lgani ma’lum. Murakkab so‘zlarga qarama-qarshi ravishda paydo bo‘lgan tendensiya – murakkab so‘zlarni qisqartirish (morfemali kontraksiya) hodisasida ko‘p bo‘g‘inli so‘zlarni aksariyat holatlarda ikki bo‘g‘inli shakli hosil qilinadi.Xitoy tilida qisqartmalar sonining tez sur’atda oshib borayotgani leksik birliklarni tavsiflash va o‘rganish zaruriyatini yuzaga keltiradi. Morfemali kontraksiya hodisasi rus tilshunoslaridan dastlab Y.D.Polivanov va I.D.Klenin tomonidan o‘rganilgan.