ПАХТА-ИПАКЛИ ИНТЕРЛОК ТРИКОТАЖ ТЎҚИМАЛАРИНИ ОЛИШНИНГ ЎЗИГА ХОСЛИКЛАРИ

Икки ластикли ёки интерлок тўқимаси ластик тўқимасининг ҳосиласидир. Интерлок сўзи ингилизча сўз бўлиб, “крест шаклида кесишиш” деган маънони билдиради ва у икки ластик аралашмасидан иборат бўлиб, унинг протяжкалари ўзаъро крест шаклида кесишадилар. Бунда бир ипнинг ўзи иккала игнадон игналарига навбатма-навбат қўйилади. Интерлок тўқимаси икки ластик аралашмасидан иборат бўлганлиги сабабли, унинг хусусиятлари ва ўлчамлари ластикникига ўхшаш бўлади. Интерлок машинасида тўқиш жараёнининг ўзига хос хусусиятлари шундан иборатки, бу машинада битта тўла ҳалқа қаторини ҳосил қилиш учун иккита ҳалқа ҳосил қилиш тизимига эга бўлиш керак.