AVTOKORRELYATSION TAHLILNI DINAMIK QATORLARDA O'LCHASH USULLARI

Korrelyatsion munosabat stoxastik munosabatning bir, juz’iy holidir. Stoxastik bog‘lanish yo‘qligi korrelyatsion bog‘lanish ham yo‘qligini bildiradi, ammo bunga tayanib teskari fikr yuritish noto‘g‘ri bo‘ladi.

Korrelyatsion tahlil dinamika qatorlari orasidagi bog‘lanishni o‘rganishda qo‘llanadigan usullardan biri, biroq u yagona usul emas. Uning yordamida faqat bog‘lanish zichligi baholanadi. Shu sababli regression tahlilni ham esdan chiqarmaslik lozim, chunki u hodisalar orasidagi bog‘lanishlarni statistik tahlil qilishda ishlatiladigan yana bir usul bo‘lib, asosiy maqsadi bog‘lanish shakllarini o‘rganishdir.