ҚАРИЛИК – ИЖТИМОИЙ-ФАЛСАФИЙ ҲОДИСА СИФАТИДА

Кексалик – ҳар бир инсон ҳаётининг ажралмас қисми бўлиб, бу жараён аксарият ҳолларда инсон соғлиғининг ёмонлашуви ва инсон организмидаги ақлий қобилиятларнинг сусайиши билан тавсифланади. Ҳозирги вақтда 60 ва ундан юқори ёшдаги аҳоли сонининг ортиб бориш тенденцияси мавжуд бўлиб, Бирлашган Миллатлар Ташкилотининг прогнозларига кўра, 2050 йилга келиб дунё аҳолисининг 20 фоизидан кўпроғини нафақадагилар ташкил этиши мумкин. Қариялар сонининг ортишига мутаносиб равишда замонавий жамиятда қарилик ҳодисасини ижтимоий-фалсафий тушуниш даражаси долзарблашиб бормоқда.