PAXTA TOZALASH KORXONALARIDA FOIZ XARAJATLARINI QOPLASHNING OPERATSION ZAXIRASINI BAHOLASH VA CHEGARAVIY MEZONLARINI ASOSLASH

Maqolada paxta tozalash korxonalarida operatsion natijaning foiz xarajatlarini qoplash imkoniyatini marja ko'rinishida baholash taklif etiladi. To'rtta korxonaning 16 ta yillik kuzatuvi bo'yicha asosiy faoliyat marjasi (AFM), foiz xarajatlari intensivligi (FY) va ularning farqi sifatida foiz yukini qoplash operatsion zaxirasi (FOZ) hisoblanadi. FOZ medianasi 0,28 foiz punktni tashkil etib, to'rtta kuzatuvda manfiy bo'lgan. Ikki chekka xarajat ssenariysi asosida tushum pasayishining FOZ=0 chegarasi baholanadi. Natijalar indikatorning erta ogohlantirishdagi foydasini, shub ilan birga uning pul oqimi va asosiy qarz to'lovlarini qamramasligi sababli qo'shimcha ko'rsatkich sifatida talqin etilishi zarurligini ko'rsatadi.