Published November 5, 2026 | Version v1

ИККИ БОСҚИЧЛИ РАҚАМЛИ СКРИНИНГДА 2-ТУР ҚАНДЛИ ДИАБЕТ БИЛАН КАСАЛЛАНГАН БЕМОРЛАРНИ 16 ТА КЛИНИК СИНФ БЎЙИЧА ТАБАҚАЛАШТИРИШ

Description

2-тур қандли диабет (ҚД) билан касалланган беморлар ногиронлиги ва ўлимининг асосий сабаби унинг микро- ва макроваскуляр асоратлари ҳисобланади. Халқаро диабет федерацияси маълумотларига кўра, ҚД билан яшаётган катталарнинг қарийб 43% ида касаллик ташхисланмаган [1], мета-таҳлил натижаларига кўра эса ҚД билан касалланганларнинг 22,3% ида диабетик ретинопатия аниқланади [2]. Асоратлар узоқ вақт клиник белгиларсиз ривожлангани сабабли кўпинча қайтмас босқичда аниқланади. Ўзбекистон Республикаси Президентининг 2022 йил 26 январдаги ПҚ-102-сон Қарорида бирламчи бўғинда эндокрин касалликларни эрта ташхислаш ва асоратларининг олдини олиш алгоритмларини жорий этиш, беморларнинг диспансер назоратини онлайн регистр орқали юритиш вазифалари белгиланган [3]. Бу вазифаларни бажариш учун скрининг натижасида беморни нафақат хавф гуруҳига, балки касалликнинг клиник варианти ва асоратлар оғирлиги бўйича табақалаштирувчи ҳамда уни тегишли мутахассисга йўналтирувчи ёндашувлар зарур.

Files

4.26.pdf

Files (239.1 kB)

Name Size
md5:fc454391d7c6ff56e34aab969b68a91e
239.1 kB Preview Download