BINOLARNI LOYIHALASHDA ENERGIYA TEJAMKOR MATERIALLAR VA ZAMONAVIY KONSTRUKTIV YONDASHUVLARNI QOʻLLASH SAMARADORLIGI

Ushbu maqolada zamonaviy me'morchilik va qurilishda binolarning energiya samaradorligini oshirish masalalari tadqiq etilgan. Keskin kontinental iqlim sharoitida issiqlik yoʻqotishlarini kamaytirish hamda energiya sarfini maqbullashtirishda yuqori samarali issiqlik izolyatsiyalovchi materiallar, energiya tejamkor oynalar va fazani oʻzgartiruvchi materiallarning oʻrni yoritib berilgan. Shuningdek, passiv uy konsepsiyasi, ikki qavatli fasad tizimlari va binoga integratsiyalashgan quyosh elementlari kabi zamonaviy konstruktiv yechimlarning samaradorligi tahlil qilingan. Tadqiqot natijalari ushbu yondashuvlarni loyihalash bosqichidayoq qoʻllash bino ekspluatatsiyasi jarayonida energiya sarfini 40–60% gacha kamaytirish va ichki mikroklimat qulayligini ta'minlash imkonini berishini anniq holda koʻrsatadi.