INGLIZ VA O'ZBEK TILLARIDA KASB-HUNAR NOMLARINING GENDER XUSUSIYATLARI: LEKSIK-SEMANTIK CHOG'ISHTIRMA TAHLIL

Mazkur tezisda ingliz va o‘zbek tillaridagi kasb-hunar nomlarining gender xususiyatlari leksik-semantik chog‘ishtirma yondashuv asosida yoritiladi. Kasbiy nominatsiyalarning mavzuiy guruhlari, kelib chiqish qatlamlari, so‘z yasalish modellari va gender ma’nosini ifodalash vositalari tahlil qilinadi. Ingliz tilida -ess, -man, -woman kabi tarixiy markerlar hamda gender-neytral shakllar, o‘zbek tilida esa muallim–muallima, shoir–shoira kabi leksik juftliklar va ayol shifokor, erkak hamshira singari analitik konstruksiyalar qiyoslanadi. Tahlilda kasbiy ma’no, referent jinsi va ijtimoiy stereotip bir-biridan farqlanadigan hodisalar sifatida qaraladi.