O'ZBEK TILINING IZOHLI LUG'ATLARIDA YEVROPA O'ZLASHMALARI ASOSIDA GIBRID SO'Z YASALISHINING LEKSIK-SEMANTIK TADQIQI (Inglizcha va fransuzcha asoslar ishtirokidagi ot va fe'l derivatlari misolida)

Maqolada o'zbek tilining izohli lug'atlarida qayd etilgan inglizcha va fransuzcha o'zlashma asoslar ishtirokida hosil bo'lgan gibrid derivatlarning strukturaviy, leksik-semantik va leksikografik xususiyatlari o'rganiladi. Shaxs otlari va fe'l derivatlari misolida o'zbekcha affikslarning o'zlashma asoslarni yangi nominativ birliklarga aylantirishdagi vazifasi, semantik ixtisoslashuv, ma'no torayishi va kengayishi masalalari tahlil qilinadi. Shuningdek, izohli lug'atlarda gibrid derivatlarni qayd etish, ularning kelib chiqishi, grammatik tavsifi va qo'llanish doirasini belgilash bilan bog'liq muammolar ko'rib chiqiladi.