FONETIK-PROSODIK XATOLAR ASOSIDA AVTOMATIK TAVSIYALAR SHAKLLANTIRUVCHI GAPIRISH MODULI

Maqolada xorijiy og'zaki nutqda aniqlangan fonetik va prosodik xatolarni pedagogik jihatdan amaliy tavsiyalarga aylantiruvchi gapirish moduli taklif etilgan. Modul majburiy fonetik tekislash, MDD va prosodik diagnostika natijalarini fonema–bo'g'in–so'z–jumla darajasidagi yagona xato profilida birlashtiradi. Har bir nomzod tavsiya xatoning og'irligi, takrorlanishi, aniqlash ishonchliligi, kutilgan tuzatish foydasi, kognitiv yuklamasi va prerequisite holati bo'yicha baholanadi. Xavfsiz Top-3 selektor bir turdagi tavsiyaning ortiqcha takrorlanishini cheklaydi, past ishonchli dalilni foydalanuvchiga chiqarmaydi va qayta yozish yoki ekspert ko'rigiga yo'naltiradi. 180 virtual profil asosidagi deterministik simulyatsiyada model Precision@3=0,659, nDCG@3=0,912, oracle foyda qamrovi=0,922 va ishonchli tavsiya ulushi=0,969 natijalarini ko'rsatdi. Tajriba real respondent yoki pedagogik samaradorlik natijasi emas; algoritm mexanizmini tekshirish uchun mo'ljallangan.