ИЧКИ ИШЛАР ОРГАНЛАРИНИНГ ЖАМОАТ ЖОЙЛАРИДА ҲУҚУҚБУЗАРЛИКЛАР ПРОФИЛАКТИКАСИ БЎЙИЧА ВАКОЛАТЛАРИ ВА ФАОЛИЯТИНИНГ ҲУҚУҚИЙ-ТАШКИЛИЙ АСОСЛАРИ

Мазкур мақолада жамоат хавфсизлигини таъминлаш доирасида ички ишлар органларининг профилактик фаолиятини проактив механизмларга трансформация қилишнинг илмий-ҳуқуқий асослари тадқиқ этилган. Жумладан, қонунчиликдаги «жамоат жойи» тушунчасини легаллаштириш, жиноят қонунчилигидаги мавҳум ва баҳоловчи атамаларни чиқариб ташлаш ҳамда кибермакондаги безорилик (виртуал безорилик) учун жавобгарликни норматив мустаҳкамлаш бўйича асослантирилган қонун лойиҳалари таклифлари ишлаб чиқилган. Шунингдек, жиноятларни квалификация қилишда такрорийлик ва хавфли рецидивни дифференциациялаш, шу билан бирга, мураккаб тергов вазиятларида рақамли криминалистика ютуқларини (полиграф) процессуал амалиётга жорий этиш масалалари илмий асослаб берилган.