NOMLANGAN BIRLIKLARNI ANIQLASH TIZIMLARINING NAZARIY ASOSLARI VA EVOLYUTSIYASI

Mazkur maqolada nomlangan birliklarni aniqlash tizimlarining nazariy asoslari, rivojlanish bosqichlari va zamonaviy yondashuvlari tahlil qilingan. Tadqiqotda ushbu sohaning qoida asosidagi dastlabki modellaridan tortib statistik va chuqur o‘rganishga tayanuvchi tizimlargacha bo‘lgan evolyutsiyasi yoritilgan. Shuningdek, nomlangan birliklarni aniqlash tizimlarining samaradorligi nafaqat matematik model, balki ma’lumotlar to‘plamining sifati, annotatsiya aniqligi va tilning lingvistik xususiyatlariga ham bevosita bog‘liq ekani ko‘rsatib berilgan.