BILINGVAL MAKTABLARDA INGLIZ TILINI O'QITISHDA TANQIDIY FIKRLASH KO'NIKMALARINI RIVOJLANTIRISH

Mazkur maqolada bilingval maktablarda ingliz tilini o‘qitish jarayonida o‘quvchilarning 
tanqidiy fikrlash ko‘nikmalarini rivojlantirishning nazariy, pedagogik va metodik asoslari 
yoritilgan. Zamonaviy ta’lim jarayonida xorijiy tilni o‘zlashtirish faqat grammatik qoidalar, 
leksik birliklar va tayyor nutq namunalarini egallash bilan cheklanib qolmay, o‘quvchining 
mustaqil fikrlashi, axborotni tahlil qilishi, dalillarni taqqoslashi, muammoga turli nuqtayi 
nazardan yondashishi, xulosa chiqarishi hamda o‘z fikrini asoslay olishi bilan ham 
belgilanadi. Ayniqsa, bilingval ta’lim muhitida o‘quvchilarning ikki yoki undan ortiq til 
bilan bog‘liq tajribasi ularning fikrlash faoliyatini tashkil etishda muhim pedagogik resurs 
sifatida namoyon bo‘ladi.