BOLALAR MUSIQA VA SAN'AT MAKTABLARIDA DUTOR IJROCHILIGINI O'QITISHNING ZAMONAVIY METODLARI

Maqolada bolalar musiqa va san’at maktablarida dutor ijrochiligini o‘qitish jarayonida qo‘llash mumkin bo‘lgan zamonaviy pedagogik yondashuvlar haqida so‘z yuritiladi. Dutor ta’limida asrlar davomida shakllangan ustoz-shogird an’analarining o‘rni alohida ta’kidlanib, ushbu tajribani zamonaviy ta’lim usullari bilan uyg‘unlashtirish masalalari ko‘rib chiqiladi. Maqolada Z. Koday, K. Orf va S. Suzuki yondashuvlarining dutor darslarida foydalanish imkoniyatlari, o‘quvchilarning individual xususiyatlarini hisobga olish, texnik ko‘nikmalarni bosqichma-bosqich shakllantirish hamda ansambl mashg‘ulotlarining ahamiyati yoritilgan. Shuningdek, raqamli vositalardan, jumladan, tuner ilovalari, audio va video yozuvlardan foydalanish, o‘qituvchi va ota-ona hamkorligini yo‘lga qo‘yish hamda o‘quvchining qiziqishiga mos repertuar tanlash masalalariga e’tibor qaratilgan. Maqolada dutor ta’limini faqat texnik ko‘nikmalarni shakllantirish bilan cheklamasdan, o‘quvchining musiqiy eshitishi, ijodiy fikrlashi, mustaqil ishlashi va sahna tajribasini rivojlantirishga yo‘naltirish zarurligi asoslab berilgan.