BO'LAJAK MUSIQA TA'LIMI O'QITUVCHILARINING RAQAMLI-PEDAGOGIK KOMPETENSIYASINI RIVOJLANTIRISHNING AMALIY-METODIK MEXANIZMLARI
Authors/Creators
Description
Mazkur tezisda bo‘lajak musiqa ta’limi o‘qituvchilarining raqamli-pedagogik kompetensiyasini rivojlantirishning amaliy-metodik mexanizmlari yoritilgan. Tadqiqotda raqamli texnologiyalarni o‘zlashtirish jarayonini amaliy va kasbiy faoliyat bilan bog‘lashga asoslangan metodik yondashuv taklif etiladi. Kompetensiyani rivojlantirish jarayoni motivatsion-diagnostik, integrativ-amaliy hamda refleksiv-baholash bosqichlari asosida tashkil etiladi. Har bir bosqichda talabalarning raqamli musiqa resurslari bilan ishlashi, multimedia materiallarini ishlab chiqishi, nota dasturlaridan foydalanishi, interaktiv topshiriqlar yaratishi, raqamli ijodiy loyihalarni amalga oshirishi va o‘z pedagogik faoliyatini tahlil qilishi nazarda tutiladi. Shuningdek, raqamli portfolio, mikro-dars, loyiha va muammoli topshiriqlardan foydalanish orqali talabalarning mustaqil hamda ijodiy faoliyatini rivojlantirish imkoniyatlari ko‘rsatiladi. Mazkur mexanizmlar bo‘lajak musiqa ta’limi o‘qituvchilarining raqamli vositalarni pedagogik vazifalarga mos tanlash va ulardan samarali foydalanish kompetensiyasini shakllantirishga xizmat qiladi.