ORGANIK KIMYONI O'QITISHDA RAQAMLI TEXNOLOGIYALAR VA VIZUALLASHTIRISH VOSITALARIDAN FOYDALANISHNING XORIJIY VA MAHALLIY TAJRIBASI

Annotatsiya. Ushbu maqolada organik kimyoni o‘qitishda raqamli texnologiyalar va vizuallashtirish vositalaridan foydalanishning xorijiy hamda mahalliy tajribasi tahlil qilingan. Tahlil doirasida 3D molekulyar modellashtirish, virtual laboratoriyalar, virtual reallik (VR), interaktiv simulyatsiyalar, raqamli media va aralash ta’lim vositalarining didaktik imkoniyatlari ko‘rib chiqilgan. O‘zbekiston ta’lim tizimida elektron ta’lim platformalari, multimedia resurslari va virtual laboratoriyalardan foydalanish tendensiyalari ham tahlil qilingan. Natijalar raqamli vizuallashtirish, ayniqsa, molekulalarning uch o‘lchamli tuzilishi, stereokimyo, izomeriya va murakkab reaksiyalar mexanizmlarini o‘rganishda o‘quvchilarning fazoviy tafakkuri va faolligini rivojlantirish imkoniyatiga ega ekanini ko‘rsatadi. Shu bilan birga, raqamli texnologiyalarning samaradorligi ularni qanday pedagogik model asosida qo‘llashga bog‘liq bo‘lib, virtual vositalar real laboratoriya tajribasini to‘liq almashtirmasligi aniqlangan. Maqolada xorijiy tajribani O‘zbekiston sharoitiga moslashtirish va raqamli texnologiya, real tajriba, pedagogik metod integratsiyasini ta’minlash zarurligi asoslab berilgan.