SUN'IY INTELLEKT VA CLIL INTEGRATSIYASI ASOSIDA NOFILOLOGIK TA'LIM YO'NALISHLARI TALABALARINING KASBIY-KOMMUNIKATIV KOMPETENTLIGINI RIVOJLANTIRISH METODOLOGIYASI

Maqolada nofilologik yo'nalish talabalarining kasbiy-kommunikativ kompetentligini rivojlantirish masalasi ko'rib chiqiladi. Tadqiqotning maqsadi sun'iy intellekt vositalari va CLIL yondashuvini birlashtirishga asoslangan o'qitish metodologiyasini ishlab chiqishdir. Adabiyotlar qiyosiy tahlil qilinib, ikki yondashuvning kasbiy ingliz tili darsidagi vazifalari aniqlashtirildi. CLIL kasbiy mazmun va til maqsadlarini belgilashga, sun'iy intellekt esa materialni moslashtirish va muloqotni mashq qilishga xizmat qilishi taklif etiladi. Maqolaning ilmiy yangiligi ushbu vazifalarni besh bosqichli o'qitish modeli va mustaqil nutqiy faoliyatni baholash mezonlari bilan bog'lashdadir. Sun'iy intellekt yaratgan sohaviy ma'lumotni tekshirish va talabaning yakuniy ishini mustaqil baholash zarurligi asoslanadi. Taklif etilgan metodologiyaning samaradorligini aniqlash uchun keyinchalik pedagogik tajriba o'tkazish lozim.