MUZEY KOLLEKSIYALARINI SAQLASH VA MUHOFAZA QILISHNING ZAMONAVIY TAMOYILLARI

Mazkur tezisda muzey kolleksiyalarini saqlash va muhofaza qilishning zamonaviy tamoyillari, muzey ashyolarining fizik-kimyoviy holatiga ta’sir etuvchi omillar hamda ularni uzoq muddat davomida asrashning tashkiliy va texnologik jihatlari yoritilgan. Muzey fondlarini saqlashda harorat va namlikni nazorat qilish, yorug‘lik ta’sirini cheklash, biologik zararkunandalarning oldini olish, mexanik shikastlanishlardan himoyalash hamda xavflarni muntazam monitoring qilish muhim omillar sifatida tahlil qilinadi. Shuningdek, profilaktik konservatsiya, raqamli hujjatlashtirish va zamonaviy monitoring vositalaridan foydalanish muzey kolleksiyalarining saqlanish darajasini oshirishning muhim yo‘nalishlari sifatida asoslanadi.