O'ZBEKISTONDA BANK OMONATLARI FOIZ STAVKASINING JAMG'ARISH QARORLARIGA TA'SIRI

Ushbu maqolada bank omonatlari bo‘yicha foiz stavkalarining aholining jamg‘arish qarorlariga ta’siri mikroiqtisodiy nuqtayi nazardan o‘rganiladi. Jamg‘arish va iste’mol o‘rtasidagi bog‘liqlik, foiz stavkasining iste’molchi tanloviga ta’siri hamda bank omonatlarining aholi uchun jozibadorligi tahlil qilinadi. Shuningdek, O‘zbekistonda jismoniy shaxslarning muddatli depozitlari bo‘yicha foiz stavkalari va depozitlar hajmining o‘zgarishi ko‘rib chiqiladi. Maqolada foiz stavkasi oshishi jamg‘arishga bo‘lgan rag‘batni kuchaytirishi mumkinligi, biroq aholining qaroriga inflyatsiya, daromad darajasi, likvidlikka ehtiyoj va risk kabi boshqa omillar ham ta’sir qilishi ko‘rsatiladi.