BOSHLANG'ICH SINF O'QUVCHILARIDA IJOBIY FAZILATLARNI SHAKLLANTIRISH MEXANIZMI (1–4-SINF TARBIYA DARSLARI MISOLIDA)

Mazkur maqolada boshlang‘ich sinf o‘quvchilarida ijobiy fazilatlarni shakllantirishning pedagogik-psixologik asoslari, tarbiya darslarining mazmun va imkoniyatlari hamda ta’lim-tarbiya jarayonida qo‘llaniladigan samarali metodlar yoritilgan. Boshlang‘ich ta’lim bosqichi bolaning shaxs sifatida shakllanishida muhim davr bo‘lib, aynan shu bosqichda halollik, rostgo‘ylik, mehribonlik, hurmat, mas’uliyat, mehnatsevarlik, vatanparvarlik, do‘stlik va hamkorlik kabi ijobiy fazilatlarni rivojlantirish uchun qulay pedagogik sharoit yaratiladi. Maqolada 1–4-sinf o‘quvchilarining yosh va psixologik xususiyatlarini hisobga olgan holda ijobiy fazilatlarni shakllantirish mexanizmi bosqichma-bosqich tahlil qilinadi hamda tarbiya darslarida foydalanish mumkin bo‘lgan metod va usullar tavsiya etiladi.