O'ZBEK VA QORAQALPOQ SHE'RIYATIDA POETIK OBRAZLARNING FOLKLOR VA UMUMTURKIY MANBALARI

Maqolada XX-XXI asrlar o‘zbek va qoraqalpoq she’riyatidagi poetik obrazlarning folklor hamda umumturkiy manbalari qiyosiy-tipologik jihatdan tadqiq etiladi. Folklor zamonaviy she’riyat uchun tayyor obrazlar majmui emas, balki obraz yaratishning mifologik, semantik va kompozitsion kodi ekanligi asoslanadi. Ona yer, uy, o‘tov, yo‘l, qush, suv, muqaddas makon, paremiya va qo‘shiq refreniga tayangan obrazlar Sirojiddin Sayyid, Shavkat Husanov, Tilewbergen Jumamuratov va Ibrayim Yusupov she’rlari misolida tahlil qilinadi. Umumturkiy obrazlarning mushtarak semantik yadrosi zamonaviy she’riyatda saqlanishi, biroq ularning milliy variantlari tabiiy muhit, tarixiy xotira, turmush tarzi va muallif idiostili ta’sirida farqlanishi dalillanadi.