OʻZBEK FOLKLORIDA MIFOLOGIK TAFAKKUR VA «LISONUT-TAYR» DOSTONINING TASAVVUFIY-ESTETIK ASOSLARI

   Mazkur maqolada oʻzbek folklorining qadimiy mifologik qatlamlari va ularning Sharq mumtoz adabiyoti shedevri – Alisher Navoiyning «Lisonut-tayr» dostonida badiiy-estetik va tasavvufiy jihatdan qayta tiklanish qonuniyatlari tadqiq etilgan. Tadqiqotda mifdan folklor va yozma adabiyotga oʻtishdagi genetik evolyusiya jarayoni ochib berilgan. Shuningdek, xalq ogʻzaki ijodidagi mifologik qushlar obrazining tasavvuf falsafasida murshidi komil (Hudhud) va tariqat soliklari (oʻttiz qush) timsoliga aylanishi, yetti vodiy konsepsiyasining irfoniy-estetik mohiyati ilmiy-nazariy jihatdan asoslab berilgan.