ISMI HAM, ILMI HAM MANGU UNITILMAYDI...

Xizmat vazifamga ko‘ra, har gal O‘zRFA A.Navoiy nomidagi Til, adabiyot va folklor institutiga borganimda o‘zbek folklorshunosligi va adabiyotshunosligining ulug‘ darg‘alari, akademiklar To‘ra aka Mirzayev, Naim aka Karimov, Baxtiyor aka Nazarov, filologiya fanlari doktori, professor Ibrohim Haqqulov, Mamatqul Jo‘rayev, Shomurza Turdimov, Jabbor Eshonqulov, Raxmatulla Barakayev va hakozo taniqli olimlarni ko‘rib, ularning ayrimlari bilan ustoz-shogird sifatida hamsuhbat bo‘lganman. Ayniqsa, To‘ra aka va Naim akalarning o‘z shogirdlari bilan birga Qoraqalpog‘istonlik ilm-fan bilan shug‘ullanuvchi yoshlarga va o‘zining tengdoshlari va izdoshlariga qo‘lidan kelgancha yordam qo‘lini cho‘zib, maslahatlarini ayamasligi hamon ko‘z oldimda jonli gavdalanadi.