MOLIYAVIY BARQARORLIKNI TA'MINLASHDA BANKNING ROLI

Ushbu maqolada moliyaviy barqarorlikni ta’minlashda bank tizimining o‘rni va iqtisodiy jarayonlarga ta’siri tadqiq etilgan. Moliyaviy barqarorlik mamlakat iqtisodiyotining uzluksiz faoliyat yuritishi, moliyaviy resurslarning samarali taqsimlanishi, investitsion faollikning saqlanishi hamda iqtisodiy subyektlarning moliyaviy xavflarga chidamliligini ifodalovchi muhim omillardan biridir. Tadqiqotda banklarning depozitlarni jalb qilish, kreditlash, investitsion faoliyatni moliyalashtirish, likvidlikni boshqarish, kredit va bozor risklarini kamaytirish hamda iqtisodiy subyektlar o‘rtasida moliyaviy vositachilikni amalga oshirishdagi funksiyalari tahlil qilingan. Shuningdek, banklarning moliyaviy barqarorligini ta’minlashda kapital yetarliligi, likvidlik, aktivlar sifati, risklarni boshqarish va prudensial nazorat mexanizmlarining ahamiyati yoritilgan. Tadqiqot natijalari banklarning barqaror faoliyati nafaqat alohida bankning moliyaviy holatiga, balki butun iqtisodiyotning barqaror rivojlanishiga ta’sir ko‘rsatishini ko‘rsatadi. Maqolada bank tizimining moliyaviy barqarorligini yanada mustahkamlash bo‘yicha amaliy takliflar ishlab chiqilgan.