O'QUVCHILARNING INTELLEKTUAL QOBILIYATLARINI RIVOJLANTIRISHDA MUSIQA TA'LIMINING O'RNI

Ushbu maqolada musiqa ta’limining o‘quvchilar intellektual qobiliyatlarini rivojlantirishdagi o‘rni zamonaviy pedagogika, kognitiv psixologiya va neyrobiologiya sohalarida olib borilgan ilmiy tadqiqotlar asosida tahlil qilinadi. Musiqa bilan muntazam shug‘ullanish, musiqa asarlarini tinglash va tahlil qilish, qo‘shiq kuylash hamda cholg‘u ijrochiligi kabi faoliyatlarning o‘quvchilarning bilish jarayonlariga ta’siri yoritiladi. Xususan, musiqiy faoliyatning diqqatni jamlash, xotira, eshitish orqali axborotni qayta ishlash, mantiqiy fikrlash, kognitiv moslashuvchanlik va ijodiy tafakkurni rivojlantirish bilan bog‘liq jihatlariga e’tibor qaratiladi. Shuningdek, musiqa ta’limining lingvistik ko‘nikmalar, jumladan, og‘zaki nutq va o‘qish savodxonligi, shuningdek, mantiqiy-matematik tafakkur bilan o‘zaro aloqasi ko‘rib chiqiladi.