O'ZBEKISTONDA OLIY TA'LIM VA MEHNAT BOZORI O'RTASIDAGI MALAKA NOMUVOFIQLIGI: MUAMMOLAR VA INTEGRATSIYA MEXANIZMLARI

Ushbu maqolada O‘zbekistonda oliy ta’lim tizimining kengayishi va mehnat bozori talablari o‘rtasidagi malaka nomuvofiqligi tahlil qilinadi. Tadqiqot rasmiy statistik ma’lumotlar, xalqaro hisobotlar va ilmiy adabiyotlarning qiyosiy tahliliga asoslangan. Tahlil natijalari oliy ta’lim qamrovining oshishi o‘z-o‘zidan bitiruvchilar bandligini kafolatlamasligini ko‘rsatadi. Muammoning asosiy sabablari o‘quv dasturlarining mehnat bozori talablariga sekin moslashishi, amaliy tayyorgarlikning yetarli emasligi, ish beruvchilar va ta’lim muassasalari o‘rtasidagi hamkorlikning zaifligi hamda mehnat bozori to‘g‘risidagi axborotning cheklanganligidan iborat. Maqolada o‘quv dasturlarini ish beruvchilar bilan birgalikda ishlab chiqish, bitiruvchilarni kuzatish tizimini joriy etish, amaliyot dasturlarini takomillashtirish va ish-o‘qish integratsiyasiga asoslangan pilot modellarni joriy etish taklif qilinadi.