QISHLOQ AHOLI PUNKTLARINI REJALASHTIRISHDA ZAMONAVIY SHAHARSOZLIK VA ME'MORIY YECHIMLARDAN FOYDALANISH

Ushbu tezisda qishloq aholi punktlarini zamonaviy shaharsozlik tamoyillari asosida rejalashtirishning nazariy va amaliy jihatlari ko‘rib chiqiladi. Qishloq hududlarining tabiiy-iqlimiy sharoiti, aholi joylashuvi, ishlab chiqarish faoliyati, transport va ijtimoiy infratuzilmasini o‘zaro uyg‘unlashtirish masalalariga e’tibor qaratiladi. Turar-joy, jamoat, xo‘jalik, ishlab chiqarish va rekreatsiya hududlarini oqilona tashkil etish orqali aholining kundalik ehtiyojlariga mos yashash muhitini shakllantirish imkoniyatlari tahlil qilinadi. Tadqiqotda zamonaviy me’moriy yechimlarni mahalliy sharoit, iqlim va an’anaviy me’moriy xususiyatlar bilan uyg‘unlashtirish qishloq aholi punktlarining funksional va estetik sifatini oshirishi asoslanadi.