TOVARLARNING SIFATINI SHAKLLANTIRISHDA KIMYOVIY OMILLARNING ROLI

Mazkur maqolada tovarlarning sifatini shakllantirish va saqlashda kimyoviy omillarning o‘rni ilmiy-nazariy jihatdan tahlil qilingan bo’lib, tovar sifati uning kimyoviy tarkibi, fizik-kimyoviy xususiyatlari, xomashyo tarkibi, ishlab chiqarish texnologiyasi, saqlash va tashish sharoitlari bilan bevosita bog‘liqligi yoritilgan. Shuningdek, tovarlar tarkibidagi oqsillar, uglevodlar, yog‘lar, vitaminlar, mineral moddalar, organik kislotalar, pigmentlar, biologik faol birikmalar va boshqa komponentlarning mahsulot sifat ko‘rsatkichlarini shakllantirishdagi ahamiyati ko‘rib chiqilgan. Oksidlanish, gidroliz, fermentativ o‘zgarishlar, Maillard reaksiyasi kabi kimyoviy jarayonlarning tovarlarning rangi, hidi, ta’mi, konsistensiyasi, oziqaviy qiymati va saqlanish muddatiga ta’siri tahlil qilingan. Tovarlar sifatini baholashda fizik-kimyoviy va instrumental tahlil usullarining ahamiyati ham yoritilgan. Maqolada tovarlarning sifatini barqaror saqlash uchun kimyoviy omillarni nazorat qilish, zamonaviy analitik usullardan foydalanish hamda saqlash sharoitlarini optimallashtirish muhimligi asoslab berilgan.