TURIZM SOHASINING MINTAQALAR KESIMIDA IQTISODIY BARQARORLIKKA TA'SIRINI BAHOLASH

Annotatsiya. Mazkur tezisda turizm sohasining mintaqalar iqtisodiy barqarorligiga ta’sirini baholashning nazariy va amaliy jihatlari yoritilgan. Turizm hududiy iqtisodiyotda xizmatlar sohasi rivoji, bandlik darajasi, aholi daromadlari, investitsion faollik, kichik biznes va infratuzilma taraqqiyotiga bevosita va bilvosita ta’sir ko‘rsatadi. Ayniqsa, turistik salohiyati yuqori bo‘lgan mintaqalarda turizm iqtisodiy diversifikatsiya, mahalliy resurslardan samarali foydalanish va hududiy farovonlikni oshirishning muhim omili sifatida namoyon bo‘ladi. Tadqiqotda turizmning iqtisodiy barqarorlikka ta’sirini baholashda yalpi hududiy mahsulot, turistik xizmatlar hajmi, bandlik, investitsiyalar, mehmonxona infratuzilmasi, transport qulayligi va tadbirkorlik faolligi kabi ko‘rsatkichlardan foydalanish zarurligi asoslab berilgan. Tezis yakunida mintaqalar kesimida turizmni barqaror rivojlantirish bo‘yicha ilmiy-amaliy takliflar ishlab chiqilgan.