METABOLIK SINDROM RIVOJLANISHIDA SURUNKALI YALLIG'LANISHNING AHAMIYATI

Metabolik sindrom zamonaviy tibbiyotning dolzarb muammolaridan biri bo‘lib, uning rivojlanishida surunkali yallig‘lanish muhim patogenetik omil hisoblanadi. Ushbu maqolaning maqsadi metabolik sindrom rivojlanishida surunkali yallig‘lanishning ahamiyatini tahlil qilishdan iborat. Tadqiqotda metabolik sindromning patofiziologik mexanizmlari, yallig‘lanish mediatorlarining faollashuvi hamda ularning insulin rezistentligi va metabolik buzilishlar bilan o‘zaro bog‘liqligi o‘rganildi. Tahlillar natijasida surunkali yallig‘lanish jarayoni uglevod va lipid almashinuvining buzilishiga, semizlikning kuchayishiga hamda yurak-qon tomir asoratlari rivojlanishiga xizmat qilishi aniqlandi. Olingan ma'lumotlar surunkali yallig‘lanish metabolik sindromning rivojlanishi va progressiyasida muhim patofiziologik bo‘g‘in ekanligini ko‘rsatadi.