JAHON BOZORIDA NARXLAR OʻZGARISHINING OʻZBEKISTON IQTISODIYOTIGA TA'SIRI

Oʻzbekiston iqtisodiyoti soʻnggi yillarda barqaror yuqori sur'atlar bilan oʻsmoqda: yalpi ichki mahsulot 2024-yilda 6,5 %, 2025-yilda 6,7 % ga ortgan [1]. Biroq bu oʻsishning muhim qismi ichki tarkibiy oʻzgarishlar bilan emas, tashqi narx kon'yunkturasi bilan bogʻliq. 2025-yilda mamlakat tashqi savdo aylanmasi 81,2 mlrd AQSh dollariga yetdi (+20,7 %), eksport 33,8 mlrd dollarni (+24 %), import esa 47,3 mlrd dollarni (+18,5 %) tashkil etdi; savdo taqchilligi 13,5 mlrd dollarga teng boʻldi [2]. Eksportning 29,3 % i — 9,9 mlrd dollari oltin hissasiga toʻgʻri keladi, bu tarixdagi eng yuqori koʻrsatkich [2]. Bunday tarkib iqtisodiyotni jahon narxlari tebranishiga oʻta sezgir qilib qoʻyadi, shu sababli narx omilining haqiqiy hissasini miqdoriy baholash dolzarb vazifa hisoblanadi.