ГОРМОНАЛ ТЕРАПИЯНИНГ БУЙРАК ТЎҚИМАЛАРИГА ТАЪСИРИНИ ЭКСПЕРИМЕНТАЛ БАҲОЛАШ
Authors/Creators
- 1. Bukhara State Medical Institute named after Abu Ali ibn Sino, Bukhara, Uzbekistan
Description
Резюме. Ҳозирги замонавий тиббиётда операциядан кейинги асоратлар, хусусан, ичак соҳасида юзага келадиган чандиқли (фиброз) жараёнлар катта клиник ва илмий аҳамият касб этмоқда. Чандиқ ҳосил бўлиши — организмнинг табиий регенератсион жавоби бўлиб, кўп ҳолларда патологик кечиб, ички органлар, шу жумладан, буйрак фаолиятига ҳам бевосита ёки билвосита таъсир кўрсатиши мумкин. Гормонал терапия, хусусан глюкокортикостероидлар ёки бошқа яллиғланишга қарши воситаларнинг узоқ муддат қўлланилиши чандиқли жараённи назорат остига олишда муҳим ўрин тутади. Бироқ бу дорилар организмда суюқлик ва электролитлар балансига, қон босимига ва буйракларнинг гломеруляр фильтрация даражасига салбий таъсир кўрсатиши мумкин. Шу боис, ичакдаги чандиқли жараёнлар фонида ўтказилган гормонал терапиянинг буйрак тўқималарига қандай морфологик ва функсионал ўзгаришлар келтириб чиқариши масаласи ҳозиргача етарлича ўрганилмаган ва бу йўналиш илмий жиҳатдан долзарб саналади.
Калит сўзлар: чандиқ (фиброз), каламуш, гормонал терапия, фильтрация, буйрак тўқималари, қон босими.