ИССИҚХОНА ШАРОИТИ УЧУН МЎЛЖАЛЛАНГАН ҚУЛУПНАЙ (FRAGARIA × ANANASSA DUCH.) НАВЛАРИНИ IN VITRO ШАРОИТИДА СТЕРИЛ КУЛЬТУРАГА КИРИТИШ ВА МИКРО-КЛОНАЛ КЎПАЙТИРИШ САМАРАДОРЛИГИНИ БАҲОЛАШ

Мақолада иссиқхона шароити учун мўлжалланган қулупнай 
(Fragaria × ananassa Duch.) навларини in vitro шароитида стерил культурага 
киритиш ва микро-клонал кўпайтириш самарадорлиги ўрганилди. Тадқиқот объекти 
сифатида «Ёқут», «Тонг ифори» (стандарт), К-83 ва М-11 нав ҳамда линиялари 
танланди. Эксплантларни стерил муҳитга киритиш, яшовчанлик даражаси, 
зарарланиш кўрсаткичлари ҳамда турли озуқа муҳитларида ўсиш хусусиятлари 
баҳоланди. Тадқиқот натижаларига кўра, эксплантларнинг ўртача яшовчанлиги 86,5 
% ни ташкил этди ва энг юқори кўрсаткич «Ёқут» навида қайд этилди. Олинган 
натижалар қулупнайни микро-клонал кўпайтириш технологиясини 
такомиллаштириш ҳамда вируслардан ҳоли, юқори сифатли бошланғич кўчат 
материалини етиштириш учун илмий асос бўлиб хизмат қилади.