PULGA OID FRAZEOLOGIK BIRLIKLARNING INGLIZ VA O'ZBEK TILLARIDA QIYOSIY TAHLILI

Mazkur maqolada ingliz va o‘zbek tillarida pulga oid frazeologik 
birliklarning qiyosiy tahlili amalga oshiriladi. Tadqiqotda mazkur frazeologizmlarning 
semantik, lingvomadaniy hamda pragmatik xususiyatlari o‘rganilib, ular orqali har ikki 
xalqning boylik, mehnat, tejamkorlik, isrofgarchilik va moddiy farovonlik haqidagi milliy 
qarashlari yoritiladi. Shuningdek, pul konseptining til tizimidagi ifodalanish usullari, 
frazeologik birliklarning o‘xshash va farqli jihatlari hamda ularning madaniy asoslari 
aniqlanadi. Tadqiqot qiyosiy-tavsifiy, semantik va konseptual tahlil metodlari asosida olib 
borilgan. Natijalar shuni ko‘rsatadiki, ingliz va o‘zbek tillaridagi pulga oid frazeologik 
birliklar umumiy kognitiv xususiyatlarga ega bo‘lishi bilan birga, har bir xalqning tarixiy 
tajribasi, turmush tarzi va madaniy qadriyatlarini ham o‘zida aks ettiradi. Tadqiqot natijalari 
frazeologiya, qiyosiy tilshunoslik, lingvokulturologiya va tarjimashunoslik sohalarida olib 
boriladigan ilmiy izlanishlar uchun nazariy hamda amaliy ahamiyat kasb etadi.