SOʻFI OLLOHYORNING "SABOTUL-OJIZIN" ASARIDA REPRODUKTIV VA AKSIOLOGIK AXLOQ MASALALARI

Ushbu maqolada taniqli mutasavvif olim va shoir Soʻfi Ollohyorning oʻzbek adabiyoti hamda pedagogik fikr taraqqiyotida oʻziga xos oʻringa ega boʻlgan “Sabotul-ojizin” asaridagi falsafiy-axloqiy va pedagogik qarashlar tahlil qilinadi. Tadqiqotda asarning zamonaviy ta'lim tizimidagi yoshlar ma'naviy-axloqiy qiyofasini shakllantirish, ularda aksiologik (qadriyatshunoslik) tushunchalarni rivojlantirish hamda iymon, sabr, kamtarlik va odob kabi fundamental fazilatlarni tarkib toptirishdagi didaktik salohiyati ochib berilgan. Shuningdek, maqolada klassik pedagogik manbalarni umumiy oʻrta va oliy ta'lim tizimiga integratsiya qilishning samarali pedagogik strategiyalari metodologik nuqtai nazardan asoslangan.