KICHIK BIZNES VA XUSUSIY TADBIRKORLIK SUBYEKTLARINI BANKLAR TOMONIDAN QO'LLAB-QUVVATLASHNI TAKOMILLASHTIRISH ("HAMKORBANK" ATB MISOLIDA)

Mazkur maqolada kichik biznes va xususiy tadbirkorlik subyektlarini tijorat banklari tomonidan qo‘llab-quvvatlashning iqtisodiy mazmuni, amaldagi mexanizmlari hamda ularni takomillashtirish yo‘nalishlari “Hamkorbank” ATB faoliyati misolida o‘rganilgan.

Tadqiqotda kichik biznesni kreditlash, bank xizmatlaridan foydalanish imkoniyatlarini kengaytirish, kredit risklarini baholash, imtiyozli moliyalashtirish, raqamli bank xizmatlari va tadbirkorlarga maslahat ko‘rsatish tizimining ahamiyati tahlil qilingan. Shuningdek, tadbirkorlik subyektlarining moliyaviy resurslardan foydalanishida uchraydigan yuqori foiz stavkalari, ta’minot yetishmasligi, kredit olish jarayonining murakkabligi va moliyaviy savodxonlik darajasining pastligi kabi muammolar yoritilgan. Tahlil natijasida kichik biznesni moliyalashtirishda individual yondashuvni kuchaytirish, muqobil kredit baholash tizimlarini joriy etish, masofaviy xizmatlarni rivojlantirish, kredit mahsulotlarini diversifikatsiya qilish hamda bank va tadbirkor o‘rtasidagi uzoq muddatli hamkorlikni mustahkamlash bo‘yicha takliflar ishlab chiqilgan.