GANDBOL SPORT TURIDA DARVOZABONLARNING TEXNIK TAYYORGARLIK DARAJASINI ANIQLASH VA RIVOJLANTIRISH METODIKASI

Ushbu maqolada gandbol sport turida darvozabonlarning 
texnik tayyorgarligini takomillashtirishga qaratilgan yillik mashg‘ulotlar 
metodikasi ishlab chiqildi va amalda sinovdan o‘tkazildi. Pedagogik tajriba 
davomida tajriba va nazorat guruhlarining ko‘rsatkichlari tahlil qilindi. 
Mashg‘ulotlar jarayonida darvozabonlarning o‘yin davomida qo‘llaydigan 
texnik harakatlari, sakrashlar, reaksiya tezligi, pozitsion joylashuvi va to‘pni 
qaytarish ko‘nikmalari rivojlantirildi. Tadqiqot natijalari tajriba guruhida 
texnik va jismoniy ko‘rsatkichlarning sezilarli yaxshilanganini ko‘rsatdi. Ushbu 
metodika gandbolchi darvozabonlarini tayyorlashda samarali vosita bo‘lib 
xizmat qiladi.