O'ZBEK MUMTOZ ADABIYOTIDA BALOG'AT SAN'ATLARINING IFODALANISHI VA USLUBIY XUSUSIYATLARI

Mazkur maqolada o‘zbek mumtoz adabiyotida balog‘at san’atlarining ifodalanishi va uslubiy xususiyatlari tahlil qilinadi. Tadqiqotda badiiy san’atlarning mumtoz matndagi vazifasi, ularning ma’no hosil qilishdagi o‘rni hamda uslubiy-estetik ta’siri yoritiladi. Asosiy e’tibor tashbeh, isti’ora, kinoya, tazod, talmeh va lafziy san’atlarning o‘zbek mumtoz poetikasidagi funksional tabiatiga qaratiladi. Taroziy, Husayniy, Navoiy va Boburga oid nazariy hamda badiiy manbalar asosida balog‘at san’atlarining obraz yaratish, ruhiy holatni ifodalash, ramziy qatlamni kuchaytirish va matnning musiqiyligini ta’minlashdagi roli ochib beriladi.

Natijada o‘zbek mumtoz adabiyotida balog‘at san’atlari tashqi bezak emas, balki poetik tafakkurning ichki qonuniyatini yuzaga chiqaruvchi faol badiiy mexanizm ekani asoslanadi.