TALABALARDA MADANIYATLARARO MULOQOT KOMPETENSIYASINI RIVOJLANGANLIK DARAJASINI XALQARO DASTURLAR ASOSIDA TASHXISLASHNING PEDAGOGIK MUAMMO SIFATIDA TADQIQI

Mazkur maqolada talabalarda madaniyatlararo muloqot kompetensiyasining rivojlanganlik darajasini xalqaro ta’lim dasturlari asosida tashxislashning pedagogik muammo sifatidagi ahamiyati tahlil qilingan. Zamonaviy ta’limning internatsionallashuvi, akademik mobillikning kengayishi va global mehnat bozorining talablaridan kelib chiqib, talabalarning madaniyatlararo kompetensiyalarini baholashning nazariy-metodologik asoslari yoritilgan. OECD Global Competence Framework, ICCS va Erasmus+ dasturlari doirasidagi diagnostik yondashuvlar tahlil qilinib, ularning afzalliklari hamda mavjud muammolari aniqlangan. Shuningdek, xalqaro tajribalarni milliy ta’lim tizimi sharoitiga moslashtirish zarurati asoslab berilgan hamda madaniyatlararo muloqot kompetensiyasini baholashning integrativ modelini ishlab chiqish bo‘yicha tavsiyalar ilgari surilgan.